Zakhmi Di Shayari | زخمی دی شاعری

سلام دے کجھ اشعار ❤

حق سچ دی پہچانڑ کریسی کربل وچ,

غازی جھیئیاں ویر کُہیسی کربل وچ,

جیویں تسا اصغر چا کے آسی او, 

ظالم حرمل تیر چلیسی کربل وچ,

بھاویں جو سر سانگ تے چاووہ سید دا,

سید حق دا نعرہ لیسی کربل وچ,

نانے نال جو وعدے اپڑے پُتراں دیاں, 

اپڑی کنڈ تے لاشاں چیسی کربل وچ,

رب دی پاک رضا کوں من کے سید اج, 

سانگ تے چڑھ قرآن سُڑیسی کربل وچ,

پھل تُوں نازک بچڑا اپڑے ہتھاں نال,

تپدی ریت دے وچ دفنیسی کربل وچ,

سانول دوش نبی تے باہونڑ آلا اج,

سجدے دے وچ سر کٹویسی کربل وچ.......!!!!!

#سانول_سفیر