سوہنڑیاں تیرے حسن نوں ویکھاں | زخمی دی شاعری

حُسنِ یار

سوہنڑیاں تیرے حسن نوں ویکھاں

یا میں اپنڑے سخن نوں ویکھاں

سچی تیری تعریف لکھیساں

تینوں سوہنڑیاں وچ لطیف لکھیساں

کر کے اپنڑی پوری کوشش

سوہنڑیاں دا تِن چیف لکھیساں

میں لکھساں خواب خیالاں نوں

سنگ تیرے گزریاں سالاں نوں

صورت تیری لکھنڑ لئی میں

لیاواں کیتھوں مثالاں نوں

واہندے دریا نیل دے وانگوں

یا غزل دی بہر طویل دے وانگوں

سجنڑ  تیریاں اکھیاں لکھساں

ڈونگی جہی کسے جھیل دے وانگوں

رج کے لکھساں حُسن جمال

ازل توں جہڑاے لا زوال

جیویں تیری مثال کوئی نئیں

تینوں اُنجے لکھساں بے مثال

چال میں لکھساں موراں ورگی

جہڑی قطعاً نئیں ہوراں ورگی

مَٹھی مَٹھی مست نشیلی

چن دوال چکوراں ورگی

فیر تیرے رخسار لکھیساں

نالے تینوں اپنڑاں پیار لکھیساں

مکدی گل مکاواں زخمی 

تینوں سوہنڑیاں دا سردار لکھیساں

شاعر ضیغم رضاء زخمیؔ*